ਆਪਣੇ ਮਿੱਤਰ / ਸਹੇਲੀ ਨੂੰ ਗਰਮੀਆਂ ਦੀਆਂ ਛੁੱਟੀਆਂ ਆਪਣੇ ਕੋਲ ਆ ਕੇ ਬਿਤਾਉਣ ਲਈ ਪੱਤਰ ਲਿਖੋ ।

ਆਪਣੇ ਮਿੱਤਰ / ਸਹੇਲੀ ਨੂੰ ਗਰਮੀਆਂ ਦੀਆਂ ਛੁੱਟੀਆਂ ਆਪਣੇ ਕੋਲ ਆ ਕੇ ਬਿਤਾਉਣ ਲਈ ਪੱਤਰ ਲਿਖੋ ।
                                                        ਨਵਾਂ ਪਿੰਡ ਟੂਰਨਾ ,                                                          ਜ਼ਿਲ੍ਹਾ ਪਟਿਆਲਾ|                                                          13 ਮਈ, 20 . . . ਪਿਆਰੇ ਹੈਪੀ ,
          ਨਿੱਘੀ ਯਾਦ ।
     ਜਿਸ ਤਰ੍ਹਾਂ ਕਿ ਤੈਨੂੰ ਪਤਾ ਹੀ ਹੈ ਕਿ ਇਸ ਸਾਲ ਗਰਮੀਆਂ ਦੀਆਂ ਛੁੱਟੀਆਂ ਦਸ ਜੂਨ ਤੋਂ ਹੋ ਰਹੀਆਂ ਹਨ । ਮੈਂ ਇਹ ਚਾਹੁੰਦਾ ਹਾਂ ਕਿ ਤੂੰ ਇਹ ਛੁੱਟੀਆਂ ਸਾਡੇ ਕੋਲ ਆ ਕੇ ਬਿਤਾਵੇਂ । ਸਾਡਾ ਪਿੰਡ ਇੱਕ ਆਦਰਸ਼ ਪਿੰਡ ਹੈ । ਇੱਥੋਂ ਦਾ ਵਾਤਾਵਰਣ ਬੜਾ ਖੁੱਲ੍ਹਾ - ਡੁੱਲ੍ਹਾ ਹੈ । ਇਥੋਂ ਦੀ ਆਬੋ-ਹਵਾ ਬੜੀ ਸਾਫ਼-ਸੁਥਰੀ ਹੈ । ਸਭ ਤੋਂ ਵੱਡੀ ਗੱਲ ਇਹ ਸ਼ਹਿਰੀ ਰੌਲੇ-ਰੱਪੇ ਤੋਂ ਬਹੁਤ ਦੂਰ ਹੈ । ਸਾਡਾ ਘਰ ਪਿੰਡ ਤੋਂ ਬਾਹਰਵਾਰ ਸਥਿਤ ਹੈ । ਇਹ ਕਾਫ਼ੀ ਖੁੱਲ੍ਹਾ-ਡੁੱਲਾ ਮਕਾਨ ਹੈ । ਇਸ ਦੀ ਡਿਉੜੀ ਵਿੱਚ ਠੰਢੀ-ਠੰਢੀ ਹਵਾ ਆਉਂਦੀ ਹੈ । ਅਸੀਂ ਸਵੇਰ-ਸ਼ਾਮ ਸੈਰ ਕਰਿਆ ਕਰਾਂਗੇ । ਸ਼ਾਮ ਨੂੰ ਗਰਾਊਂਡ ਵਿੱਚ ਜਾ ਕੇ ਖੇਡਿਆ ਕਰਾਂਗੇ । ਮੈਨੂੰ ਪੂਰੀ ਉਮੀਦ ਹੈ ਕਿ ਤੂੰ ਮੇਰੇ ਕੋਲ ਛੁੱਟੀਆਂ ਕੱਟਣ ਜ਼ਰੂਰ ਆਵੇਗਾ । ਦੇਖੀ ਨਾਂਹ ਕਰਕੇ ਮੇਰਾ ਦਿਲ ਨਾ ਤੋੜ ਦਈਂ । ਮੇਰੇ ਮੰਮੀ ਡੈਡੀ ਨੂੰ ਵੀ ਤੇਰੇ ਇੱਥੇ ਆਉਣ ਦਾ ਕਾਫ਼ੀ ਚਾਅ ਹੈ ।
     ਅੱਛਾ ਆਉਣ ਲੱਗੇ ਆਪਣੀਆਂ ਕਿਤਾਬਾਂ-ਕਾਪੀਆਂ ਲਿਆਉਣਾ ਨਾ ਭੁੱਲਣਾ । ਅਸੀਂ ਸਵੇਰੇ-ਸਵੇਰੇ ਨਹਾ-ਧੋ ਕੇ ਸਕੂਲ ਦਾ ਕੰਮ ਵੀ ਇਕੱਠੇ ਕਰਿਆ ਕਰਾਂਗੇ ।
     ਤੇਰੇ ਆਉਣ ਦੀ ਉਡੀਕ ਵਿੱਚ ,           
                                                                ਤੇਰਾ ਮਿੱਤਰ ,                                                             ਕਮਲਜੀਤ ਸਿੰਘ।

Short Essay on TIGERS , 20 lines essay for kids

ESSAY ON TIGER

The tiger is the national animal of India . It is known as the largest animal in the cat family . They are largely found in Asia. It is a proud and fierce animal. It has a big and strong body. The tigers are carnivorous animals . Tigers live in forests and woods. The tigers are generally yellow in colour with black stripes all over them. It is found in white colour also . It has very sharp teeth to tear flesh. It has very piercing eyes which can see very well even in the night . It has padded feet and sharp claws .The jaws and paws of a tiger are extremely powerful. It runs very fast and can chase its prey for miles without getting tired. It usually hunts animal such as deers wild buffaloes, baby elephants etc. It mostly attacks suddenly on its prey.Tigers are known as lord of Jungle as they symbolize the wildlife wealth of the country. Their numbers are decreasing slowly due to poaching and loss of habitat. We must try to save this royal animal at all cost.

ਮੇਰਾ ਮਨਪਸੰਦ ਕਵੀ (ਲੇਖ) - ਸ਼ਿਵ ਕੁਮਾਰ ਬਟਾਲਵੀ - My Favourite Poet Essay in Punjabi

ਮੇਰਾ ਮਨਪਸੰਦ ਕਵੀ - ਸ਼ਿਵ ਕੁਮਾਰ ਬਟਾਲਵੀ 

ਕਵਿਤਾ ਸਾਹਿਤ ਦਾ ਇਕ ਸਰਵੋਤਮ ਰੂਪ ਹੈ, ਜੋ ਮਨੁੱਖੀ ਭਾਵਨਾਵਾਂ ਅਤੇ ਵਿਚਾਰਾਂ ਨੂੰ ਕਲਾਤਮਕ ਢੰਗ ਨਾਲ ਪੇਸ਼ ਕਰਦੀ ਹੈ। ਮੈਂ ਪੰਜਾਬੀ, ਹਿੰਦੀ ਅਤੇ ਅੰਗਰੇਜ਼ੀ ਵਿਚ ਬਹੁਤ ਸਾਰੀਆਂ ਕਵਿਤਾਵਾਂ ਪੜ੍ਹੀਆਂ ਹਨ। ਜਦੋਂ ਵੀ ਮੇਰੇ ਕੋਲ ਖਾਲੀ ਸਮਾਂ ਹੁੰਦਾ ਹੈ, ਮੈਂ ਕਵਿਤਾਵਾਂ ਪੜ੍ਹਨਾ ਪਸੰਦ ਕਰਦਾ ਹਾਂ। ਕਵਿਤਾਵਾਂ ਬਹੁਤ ਹੀ ਮਨੋਰੰਜਕ, ਪ੍ਰੇਰਕ ਅਤੇ ਮਜ਼ੇਦਾਰ ਹੁੰਦੀਆਂ ਹਨ।

ਪੰਜਾਬੀ ਸਾਹਿਤ ਜਗਤ ਵਿੱਚ ਅਨੇਕਾਂ ਮਹਾਨ ਕਵੀ ਹੋਏ ਹਨ, ਜਿਨ੍ਹਾਂ ਦੀ ਕਾਵਿ ਜਗਤ ਵਿੱਚ ਪ੍ਰਾਪਤੀ ਮਹਾਨ ਹੈ। ਸਾਰੇ ਕਵੀਆਂ ਵਿਚੋਂ, ਮੈਂ ਸ਼ਿਵ ਕੁਮਾਰ ਬਟਾਲਵੀ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹਾਂ। ਉਹ ਪੰਜਾਬੀ ਦੇ ਬਹੁਤ ਮਹਾਨ ਕਵੀ ਹੋਏ ਹਨ, ਜਿਨ੍ਹਾਂ ਦਾ ਜਨਮ 23 ਜੁਲਾਈ 1936 ਨੂੰ ਗੁਰਦਾਸਪੁਰ, ਪੰਜਾਬ ਵਿਚ ਹੋਇਆ। 36 - 37 ਸਾਲ ਦੀ ਭਰ ਜੋਬਨ ਰੁੱਤੇ ਆਪਣੀ ਜੀਵਨ ਲੀਲਾ ਮੁਕਾਉਣ ਵਾਲੇ ਇਸ ਸ਼ਾਇਰ ਨੇ ਕਾਵਿ-ਰਚਨਾ ਦਾ ਅਰੰਭ 1960 ਵਿੱਚ ਕੀਤਾ ।

ਵਿਛੋੜੇ ਦੀ ਤੜਪ , ਬਿਰਹਾ ਦੀ ਅਗਨ ਅਤੇ ਇੱਕਲਾਪੇ ਦੀ ਪੀੜ ਉਮਰ ਭਰ ਸਹਿਣ ਵਾਲਾ ਸ਼ਿਵ ਪੰਜਾਬੀ ਦਾ ਮਹਾਨ ਸ਼ਾਇਰ ਹੋ ਨਿਬੜਿਆ। ਉਨ੍ਹਾਂ ਦੀ ਸੁਰੀਲੀ ਆਵਾਜ਼ ਨੇ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੀ ਕਵਿਤਾ ਨੂੰ ਬਹੁਤ ਹੀ ਹਰਮਨ ਪਿਆਰਾ ਬਣਾ ਦਿੱਤਾ । ਸੋਗਮਈ ਕਵਿਤਾਵਾਂ ਨਾਲ ਉਨ੍ਹਾਂ ਨੇ ਲੋਕਾਂ ਦਾ ਦਿਲ ਮੋਹ ਲਿਆ ਅਤੇ ਉਹ ਬਿਰਹਾ ਦੇ ਸੁਲਤਾਨ ਕਵੀ ਬਣ ਗਏ। ਸੈਂਤੀ ਵਰ੍ਹਿਆਂ ਦੀ ਨਿੱਕੀ ਜਿਹੀ ਉਮਰੇ ਉਨ੍ਹਾਂ ਨੇ ਯੁੱਗਾਂ ਜਿੰਨਾ ਕੰਮ ਮੁਕਾ ਲਿਆ ।

ਉਨ੍ਹਾਂ ਨੇ ਪੀੜ੍ਹਾਂ ਦਾ ਪਰਾਗਾ, ਲਾਜਵੰਤੀ, ਆਟੇ ਦੀਆਂ ਚਿੜੀਆਂ, ਮੈਨੂੰ ਵਿਦਾ ਕਰੋ, ਬਿਰਹਾ ਤੂੰ ਸੁਲਤਾਨ, ਲੂਣਾ ( ਮਹਾਂਕਾਵਿ ), ਮੈਂ ਤੇ ਮੈਂ, ਆਰਤੀ, ਬਿਰਹੜਾ, ਅਸਾਂ ਤਾਂ ਜੋਬਨ ਰੁੱਤੇ ਮਰਨਾ, ਅਲਵਿਦਾ ਆਦਿ ਲਾਜਵਾਬ ਕਾਵਿ ਸੰਗ੍ਰਹਿ ਰਚੇ । ਇਹਨਾਂ ਕਾਵਿ-ਪੁਸਤਕਾਂ ਵਿੱਚ ਸ਼ਿਵ ਕੁਮਾਰ ਦੀ ਕਵਿਤਾ ਦਾ ਮੁੱਖ ਵਿਸ਼ਾ ਦਰਦ , ਪੀੜਾ , ਬਿਰਹਾ, ਮਰਦ ਦੇ ਅਨਿਆਇ ਦਾ ਸ਼ਿਕਾਰ ਇਸਤਰੀ ਅਤੇ ਮੌਤ ਆਦਿ ਹਨ । ਕਾਵਿ-ਨਾਟ ਲੂਣਾਂ ਲਈ ਸ਼ਿਵ ਨੂੰ ਸਾਹਿਤ ਅਕਾਦਮੀ ਪੁਰਸਕਾਰ ਮਿਲਿਆ |

ਮੈਂਨੂੰ ਸ਼ਿਵ ਕੁਮਾਰ ਬਟਾਲਵੀ ਜੀ ਦੀ ਕਾਵਿ-ਰਚਨਾ ਸਭ ਨਾਲੋਂ ਵਿਲੱਖਣ ਨਜ਼ਰ ਆਉਂਦੀ ਹੈ। ਉਨ੍ਹਾਂ ਦੀ ਕਵਿਤਾ ਮੇਰੇ ਦਿਲ ਨੂੰ ਧੂਹ ਪਾਉਂਦੀ ਹੈ ਅਤੇ ਮੈਂ ਉਨ੍ਹਾਂ ਨੂੰ ਬਾਰ-ਬਾਰ ਪੜ੍ਹਨ ਲਈ ਮਜਬੂਰ ਹਾਂ। ਸ਼ਿਵ ਕੇਵਲ ਮੇਰਾ ਹੀ ਨਹੀਂ ਬਲਕਿ ਸਾਰੀ ਨੌਜਵਾਨ ਪੀੜ੍ਹੀ ਦੇ ਦਿਲਾਂ ਦੀ ਧੜਕਨ ਹੈ। ਉਨ੍ਹਾਂ ਦਾ ਸਰੀਰ ਚਲਾ ਗਿਆ ਪਰ ਉਹ ਤਾਰਾ ਬਣ ਕੇ ਅੱਜ ਵੀ ਅਕਾਸ਼ ਵਿੱਚ ਟਿਮਟਿਮਾ ਰਿਹਾ ਹੈ । ਉਨ੍ਹਾਂ ਦਾ ਪੰਜਾਬੀ ਸਾਹਿਤ ਪ੍ਰਤੀ ਯੋਗਦਾਨ ਬੇਮਿਸਾਲ ਅਤੇ ਸਲਾਘਾ ਯੋਗ ਹੈ।

ਸੈਕਸ਼ਨ ਬਦਲਨ ਲਈ ਬਿਨੈ-ਪੱਤਰ (Letter to the principal for change of section - In Punjabi)

ਆਪਣੇ ਸਕੂਲ ਦੇ ਪ੍ਰਿੰਸੀਪਲ ਸਾਹਿਬ ਨੂੰ ਸੈਕਸ਼ਨ ਬਦਲਨ ਲਈ ਬਿਨੈ-ਪੱਤਰ ਲਿਖੋ । 

ਸੇਵਾ ਵਿਖੇ

            ਪ੍ਰਿੰਸੀਪਲ ਸਾਹਿਬ,
            .............ਸਕੂਲ,         
            .............ਸ਼ਹਿਰ।
ਵਿਸ਼ਾ : ਸੈਕਸ਼ਨ ਬਦਲੀ ਲਈ ਬਿਨੈ-ਪੱਤਰ ।

ਸ੍ਰੀਮਾਨ ਜੀ ,

       ਨਿਮਰਤਾ ਸਹਿਤ ਬੇਨਤੀ ਹੈ ਕਿ ਮੈਂ ਆਪ ਦੇ ਸਕੂਲ ਵਿੱਚ ਦਸਵੀਂ ਜਮਾਤ ਦਾ ਵਿਦਿਆਰਥੀ ਹਾਂ । ਮੇਰੀ ਭੈਣ ਵੀ ਆਪ ਦੇ ਸਕੂਲ ਵਿੱਚ ਦਸਵੀਂ ਜਮਾਤ ਵਿੱਚ ਹੀ ਪੜ੍ਹਦੀ ਹੈ, ਪਰ ਸਾਡਾ ਦੋਹਾਂ ਦਾ ਸੈਕਸ਼ਨ ਵੱਖੋ - ਵੱਖਰਾ ਹੈ । ਮੇਰਾ ਸੈਕਸ਼ਨ ' ਬੀ ' ਹੈ ਜਦਕਿ ਮੇਰੀ ਭੈਣ ' ਏ ' ਸੈਕਸ਼ਨ ਵਿੱਚ ਹੈ । ਅਸੀਂ ਦੋਵੇਂ ਭੈਣ - ਭਰਾ ਪਿਛਲੇ ਚਾਰ ਸਾਲ ਤੋਂ ਪੜ੍ਹਾਈ ਵਿੱਚ ਸਕੂਲ ਵਿੱਚੋਂ ਪਹਿਲੇ ਤੇ ਦੂਜੇ ਸਥਾਨ 'ਤੇ ਆ ਰਹੇ ਹਾਂ । ਸਾਡੇ ਪਿਤਾ ਜੀ ਅਤਿ ਗ਼ਰੀਬ ਹਨ । ਅੱਜ ਦੀ ਮਹਿੰਗਾਈ ਦੇ ਜ਼ਮਾਨੇ ਵਿੱਚ ਥੋੜ੍ਹੀ ਕਮਾਈ ਨਾਲ ਖ਼ਰਚੇ ਪੂਰੇ ਨਹੀਂ ਹੁੰਦੇ । ਸਾਡੇ ਦੋਹਾਂ ਕੋਲ਼ ਪੜ੍ਹਨ ਲਈ ਪੁਸਤਕਾਂ ਦਾ ਇੱਕੋ ਸੈੱਟ ਹੈ । ਸਾਡੇ ਦੋਵਾਂ ਦੇ ਸੈਕਸ਼ਨ ਵੱਖੋ-ਵੱਖਰੇ ਹੋਣ ਕਰਕੇ ਅਸੀਂ ਇੱਕ ਸਮੇਂ 'ਤੇ ਕਿਤਾਬਾਂ ਦਾ ਲਾਭ ਨਹੀਂ ਲੈ ਸਕਦੇ ।ਵੱਖੋ - ਵੱਖ ਸੈਕਸ਼ਨ ਕਰਕੇ ਪੜ੍ਹਾਇਆ ਵੀ ਵੱਖੋ - ਵੱਖਰਾ ਜਾਂਦਾ ਹੈ । ਸਾਡੀ ਮਜਬੂਰੀ ਨੂੰ ਧਿਆਨ ਵਿੱਚ ਰੱਖਦਿਆਂ ਸਾਨੂੰ ਦੋਹਾਂ ਭੈਣ - ਭਰਾਵਾਂ ਨੂੰ ਇੱਕੋ ਸੈਕਸ਼ਨ ਵਿੱਚ ਕਰਨ ਦੀ ਕਿਰਪਾਲਤਾ ਕਰੋ ।
                   ਧੰਨਵਾਦ ਸਹਿਤ ,
                                 
                                                 ਆਪ ਦਾ ਆਗਿਆਕਾਰੀ,
                                                          ਨਾਂ.................।
                                                               ਦਸਵੀਂ - ਬੀ ।

Essay on MY GARDEN , 20 lines essay for Kids, Short essay on my garden in english

MY GARDEN

1. There is a beautiful garden in front of my house.

2. My garden is very clean and quiet spacious.

3. One side of our garden is filled with vegetables, fruits and aromatic herbs.

4. We can happily eat these as they are organic.

5. There are also rows of beautiful flowers like roses, orchids, lilies and tulips.

6. The vibrant colours of these flowers enhance the beauty of our garden.

7. Beautiful butterflies hover over these flowers.

8. We have kept a gardener to take care of our garden.

9. I help my father to water the plants every evening.

10. After that I play with my pet dog in the garden.

11. I love the smell of flowers in the garden.

12. It refreshes my mood, soothe my eyes  and fills me with happiness and vigor.

13. I can spend hours in my garden without getting bored.

14. Our garden is the best part of my house.

15. It is very close to my heart and I like my garden very much.

Essay on My favourite poet ( Rabindranath Tagore ),15 lines Essay in English)

MY FAVOURITE POET- RABINDRANATH TAGORE

1. I have read, many poets and their poems.

2. They are from Hindi as well as English.

3. There are many well-known poets in the world of literature.

4. Of all the poets, I am a great admirer of Rabindranath Tagore.

5. Rabindranath Tagore was a great poet of India.

6. Tagore was popularly known as “the Shelley of Bengal.”

7. He has given many famous writings to the country.

8. He was the first Indian to get the Nobel Prize for literature.

9. He was born in Kolkata on 8th May, 1861.

10. He started writing from a very young age .

11. He gave us our National Anthem , Jana Gana Mana.

12. On 13th November, 1913, Tagore won the Nobel Prize for his book-'Geetanjali'.

13. Some of his poems that are my favourite are Geetanjali, Puravi , The Evening Songs and Tha Morning Songs.

14. Almost all his poems have a clear message of peace, humanity, freedom and universal love.

15. Rabindranath Tagore's contribution to Literature is immense.

Essay on Meri Maa Boli in Punjabi | Mother Tongue Importance-Punjabi Essay

ਮਾਤ-ਭਾਸ਼ਾ ਦਾ ਮਹੱਤਵ ਜਾਂ ਸਾਡੀ ਮਾਤ-ਭਾਸ਼ਾ: ਪੰਜਾਬੀ 

ਮਾਤ-ਭਾਸ਼ਾ ਤੋਂ ਭਾਵ: ਮਾਤ-ਭਾਸ਼ਾ ਜਾਂ ਮਾਂ-ਬੋਲੀ ਦਾ ਅਰਥ ਹੈ ਉਹ ਬੋਲੀ ਜਿਹੜੀ ਵਿਰਸੇ ਵਿੱਚ ਹਰ ਇਕ ਨੂੰ ਆਪਣੀ ਮਾਂ ਕੋਲੋਂ ਮਿਲੀ ਹੁੰਦੀ ਹੈ । ਇਸ ਲਈ ਮਾਂ-ਬੋਲੀ ਨਾਲ ਸਾਡਾ ਬਚਪਨ ਤੋਂ ਹੀ ਸੰਬੰਧ ਬਣ ਜਾਂਦਾ ਹੈ। ਸਾਡੇ ਦੇਸ਼ ਅਤੇ ਸੰਸਾਰ ਵਿੱਚ ਵੱਖ-ਵੱਖ ਮਾਂ ਬੋਲੀਆਂ ਅਤੇ ਭਾਸ਼ਾਵਾਂ ਮੌਜੂਦ ਹਨ । ਭਾਸ਼ਾ ਕਿਸੇ ਵੀ ਕੌਮ ਦਾ ਵਿਰਸਾ ਹੁੰਦੀ ਹੈ। ਖੇਤਰ ਵਿਸ਼ੇਸ਼ ਦੀ ਸੱਭਿਅਤਾ ਅਤੇ ਸੱਭਿਆਚਾਰ ਦਾ ਅੰਦਾਜ਼ਾ ਉੱਥੋਂ ਦੀ ਭਾਸ਼ਾ ਤੋਂ ਸਹਿਜੇ ਹੀ ਲਗਾਇਆ ਜਾ ਸਕਦਾ ਹੈ।

ਮਾਤ-ਭਾਸ਼ਾ ਦੀ ਮਹੱਤਤਾ: ਮਾਤ-ਭਾਸ਼ਾ ਨੂੰ ਕੋਈ ਵੀ ਆਪਣੀ ਹੋਂਦ ਨਾਲੋਂ ਵੱਖ ਨਹੀਂ ਕਰ ਸਕਦਾ । ਸਿਰਫ ਮਾਤ-ਭਾਸ਼ਾ ਵਿੱਚ ਹੀ ਆਪਣੇ ਵਿਚਾਰਾਂ ਦਾ ਖੁੱਲਾ ਪ੍ਰਗਟਾਵਾ ਕੀਤਾ ਜਾ ਸਕਦਾ ਹੈ । ਮਾਤ-ਭਾਸ਼ਾ ਰਾਹੀਂ ਜੋ ਵੀ ਜਾਣਕਾਰੀ ਅਸੀਂ ਪ੍ਰਾਪਤ ਕਰਦੇ ਹਾਂ ਉਹ ਹਮੇਸ਼ਾਂ ਸਾਡੇ ਨਾਲ ਰਹਿੰਦੀ ਹੈ । ਮਾਤ-ਭਾਸ਼ਾ ਵਿੱਚ ਦਿਲ ਦੇ ਦੁੱਖ-ਸੁੱਖ ਚੰਗੀ ਤਰਾਂ ਫਰੋਲੇ ਜਾ ਸਕਦੇ ਹਨ । ਮਨੁੱਖ ਕਿੰਨੀਆਂ ਵੀ ਹੋਰ ਭਾਸ਼ਾਵਾਂ ਸਿੱਖ ਲਵੇ ਪਰ ਉਸ ਦੀ ਹੋਰ ਭਾਸ਼ਾਵਾਂ 'ਤੇ ਉਹ ਪਕੜ ਨਹੀਂ ਹੋਵੇਗੀ ਜੋ ਉਸ ਦੀ ਆਪਣੀ ਮਾਤ-ਭਾਸ਼ਾ 'ਤੇ ਹੁੰਦੀ ਹੈ । ਅਸਲ ਵਿੱਚ ਮਾਂ-ਬੋਲੀ ਦੇ ਸ਼ਬਦ, ਅਖਾਣ, ਮੁਹਾਵਰੇ , ਮੌਲਿਕਤਾ ਆਦਿ ਸਭ ਪੱਖ ਉਸ ਨੂੰ ਸਹਿਜ-ਸੁਭਾਅ ਹੀ ਆ ਜਾਂਦੇ ਹਨ ।

ਮਾਤ-ਭਾਸ਼ਾ ਪੰਜਾਬੀ : ਪੰਜਾਬੀ ਅਤੇ ਗੁਰਮੁਖੀ ਲਿਪੀ ਦਾ ਸਾਹਿਤਿਕ ਅਤੇ ਇਤਿਹਾਸਿਕ ਵਿਰਸਾ ਬਹੁਤ ਅਮੀਰ ਹੈ । ਇਹ ਦੁਨੀਆ ਦੇ 150 ਮੁਲਕਾਂ ਵਿੱਚ ਕਿਸੇ ਨਾ ਕਿਸੇ ਹੱਦ ਤੱਕ ਬੋਲੀ ਜਾਂਦੀ ਹੈ । 14 ਕਰੋੜ ਤੋਂ ਵੱਧ ਲੋਕ ਪੰਜਾਬੀ ਬੋਲਦੇ ਹਨ । ਇਨ੍ਹਾਂ ਵਿੱਚੋਂ ਇੱਕ ਵੱਡੀ ਗਿਣਤੀ ਪਾਕਿਸਤਾਨ ਵਿੱਚ ਵੀ ਹੈ । ਪੰਜਾਬ ਦੀ ਮੂਲ ਭਾਸ਼ਾ ਪੰਜਾਬੀ ਹੈ । ਇਸ ਤੋਂ ਬਿਨਾਂ ਪੰਜਾਬੀ ਬੋਲਣ ਵਾਲੇ ਦੇਸ-ਵਿਦੇਸ ਵਿੱਚ ਫੈਲੇ ਹੋਏ ਹਨ । ਪੰਜਾਬੀ ਸਦੀਆਂ ਤੋਂ ਚਲੀ ਆ ਰਹੀ ਹੈ । ਇਸ ਦੀ ਆਪਣੀ ਵੱਖਰੀ ਨੁਹਾਰ, ਵੱਖਰੀ ਬਣਤਰ ਅਤੇ ਵੱਖਰਾ ਅੰਦਾਜ਼ ਹੈ ।

ਮਾਤ-ਭਾਸ਼ਾ ਤਰੱਕੀ ਲਈ ਜ਼ਰੂਰੀ: ਮਾਤ-ਭਾਸ਼ਾ ਦੇ ਵਿਕਾਸ ਨਾਲ ਹੀ ਦੇਸ਼ ਅਤੇ ਸੰਸਾਰ ਦਾ ਵਿਕਾਸ ਹੋ ਸਕਦਾ ਹੈ । ਮਾਤ-ਭਾਸ਼ਾ ਨੂੰ ਸਿੱਖਿਆ ਦੇ ਖੇਤਰ ਵਿੱਚ ਸ਼ਾਮਲ ਕਰਕੇ ਕੌਮ ਦਾ ਵਿਕਾਸ ਕੀਤਾ ਜਾ ਸਕਦਾ ਹੈ । ਮਾਤ-ਭਾਸ਼ਾ ਹਰ ਵਿਅਕਤੀ ਜਲਦੀ ਅਤੇ ਅਸਾਨੀ ਨਾਲ ਸਮਝ ਜਾਂਦਾ ਹੈ । ਸਾਰੀਆਂ ਮਹਾਨ ਸਖ਼ਸ਼ੀਅਤਾਂ ਨੇ ਆਪਣੇ ਵਿਚਾਰਾਂ ਦਾ ਪ੍ਰਗਟਾਅ ਵੀ ਮਾਂ-ਬੋਲੀ ਵਿੱਚ ਹੀ ਕੀਤਾ ਹੈ । ਮਾਤ-ਭਾਸ਼ਾ ਅਪਣੱਤ ਪੈਦਾ ਕਰਦੀ ਹੈ ਅਤੇ ਦੂਰ-ਦੁਰਾਡੇ ਬੈਠੇ ਲੋਕਾਂ ਨਾਲ ਵੀ ਸਾਂਝ ਪੈਦਾ ਕਰਦੀ ਹੈ । ਜਦੋਂ ਆਪਸੀ ਸਹਿਨਸ਼ੀਲਤਾ ਅਤੇ ਪਿਆਰ ਤੇ ਭਾਈਚਾਰਾ ਵਧੇਗਾ ਤਾਂ ਹੀ ਦੇਸ਼ ਦਾ ਵਿਕਾਸ ਹੋ ਸਕਦਾ ਹੈ ।

ਮਾਤ-ਭਾਸ਼ਾ ਨੂੰ ਜੀਵਤ ਰੱਖਣ ਦੀ ਲੋੜ : ਹੋਰ ਭਾਸ਼ਾਵਾਂ ਦੀ ਜਾਣਕਾਰੀ ਹੋਣਾ ਨੁਕਸਾਨਦਾਇਕ ਨਹੀਂ ਬਲਕਿ ਮਨੁੱਖ ਜਿੰਨੀਆਂ ਹੋਰ ਭਾਸ਼ਾਵਾਂ ਸਿੱਖਦਾ ਹੈ ਗਿਆਨ ਦੇ ਉੱਨੇ ਹੋਰ ਦਰਵਾਜ਼ੇ ਉਸ ਲਈ ਖੁੱਲ ਜਾਂਦੇ ਹਨ । ਪਰ ਹੋਰਾਂ ਭਾਸ਼ਾਵਾਂ ਦੇ ਪ੍ਰਭਾਵ ਵਿੱਚ ਆਪਣੀ ਮਾਤ-ਭਾਸ਼ਾ ਦੇ ਮਹੱਤਵ ਨੂੰ ਭੁੱਲ ਜਾਣਾ ਜਾਂ ਉਸ ਦਾ ਨਿਰਾਦਰ ਕਰਨਾ ਜਾਂ ਉਸ ਨੂੰ ਨੀਵਾਂ ਸਮਝਣਾ ਬਹੁਤ ਹੀ ਸ਼ਰਮਨਾਕ ਹੈ। ਅੱਜ ਦੇ ਸਮੇਂ ਵਿੱਚ ਸਾਡੇ ਮਨਾਂ ਅੰਦਰ ਅੰਗਰੇਜ਼ੀ ਬਾਰੇ, ਇਸ ਦੀ ਉਚਤਾ ਬਾਰੇ ਇੱਕ ਧਾਰਨਾ ਬਣਾ ਦਿੱਤੀ ਗਈ ਹੈ ਕਿ ਅੰਗਰੇਜ਼ੀ ਦਾ ਮੰਡੀ ਮੁੱਲ ਪੰਜਾਬੀ ਤੋਂ ਕਿਤੇ ਵਧੇਰੇ ਹੈ। ਪੰਜਾਬੀ ਉੱਤੇ ਹੋ ਰਹੇ ਇਸ ਤਰ੍ਹਾਂ ਦੇ ਹਮਲੇ ਤੋਂ ਸਾਨੂੰ ਬਚਣ ਦੀ ਲੋੜ ਹੈ ਅਤੇ ਪੰਜਾਬੀ ਨੂੰ ਕਿਸੇ ਵੀ ਤਰ੍ਹਾਂ ਜੀਵਤ ਰੱਖਣ ਦੀ ਲੋੜ ਹੈ।

ਸਾਰਾਂਸ਼ : ਮਾਤ-ਭਾਸ਼ਾ ਦੀ ਆਨ ਅਤੇ ਸ਼ਾਨ ਵੱਖਰੀ ਹੀ ਹੁੰਦੀ ਹੈ । ਮਾਤ-ਭਾਸ਼ਾ ਮਨ ਨੂੰ ਸ਼ਾਤੀ ਪ੍ਰਦਾਨ ਕਰਦੀ ਹੈ ਅਤੇ ਆਤਮਿਕ ਅਨੰਦ ਦਿੰਦੀ ਹੈ । ਇਸ ਲਈ ਮਾਤ-ਭਾਸ਼ਾ ਸਾਡੇ ਲਈ ਅਤਿ ਜ਼ਰੂਰੀ ਹੈ । ਸਾਡੀ ਸਿੱਖਿਆ ਦਾ ਮਾਧਿਅਮ ਵੀ ਮਾਤ-ਭਾਸ਼ਾ ਹੀ ਹੋਣਾ ਚਾਹੀਦਾ ਹੈ। ਹੋਰ ਭਾਸ਼ਾਵਾਂ ਦਾ ਗਿਆਨ ਇਸ ਲਈ ਲਾਹੇਵੰਦ ਹੈ ਕਿਉਂਕਿ ਇਸ ਨਾਲ ਵਿਸ਼ਾਲਤਾ ਆਉਂਦੀ ਹੈ ਪਰ ਉਸ ਤੋਂ ਵੱਧ ਵਧੇਰੇ ਲੋੜ ਇਸ ਜਾਗਰੂਕਤਾ ਦੀ ਹੈ ਕਿ ਅਸੀਂ ਆਪਣੀ ਮਾਤ-ਭਾਸ਼ਾ ਦੇ ਮਹੱਤਵ ਨੂੰ ਪਛਾਣੀਏ ।